Ons gemeente het in 1961 afgestig van die Moedergemeente- Waterberg. Vir die eerste dertien jaar het die gemeente in Laerskool Eenheid se saal bymekaar gekom, terwyl hulle besig was om fondse in te samel vir die bou van die kerk se kampus in Magazijnstraat. Ons kerkgebou is met groot feestelikheid in 1974 in gebruik geneem. Die eerste leraar van ons gemeente was Ds Piet Smit, opgevolg deur Ds Weitz Botes, toe Ds Japie van Deventer. In 1995 het die gemeente deur ‘n stroomversnelling gegaan toe ‘n derde van NG Gemeente Waterberg met die leraarspos van Ds Ewald Schmidt op 21 April 1995 na Nylstroom- Oos toe oorgedra is. Ds Japie van Deventer het in 1996 afgetree, en Ds Lukas Coetzer is beroep. Hy is opgevolg deur Ds Danie Ueckermann in 2008.

Saam met hierdie ses leraars het die Here sy kerk gebou deur ‘n menigte getrou, toegewyde kerkraadslede, en gemeentelede wat hulle gawes met blydskap tot eer van die Here uitgeleef het. Die geskiedenis van Nylstroom-Oos is ‘n mooi verhaal van God se genade. Daar was baie goeie tye, en soms moeilike tye wat ons saam deurgemaak het. In dit alles bou die Here sy kerk. Hierdie pragtige verhaal gaan steeds voort, en jy word genooi om saam te skryf aan die geskiedenis van hierdie geloofsgemeenskap.